မုန့်ဟင်းခါး.......
အင်း... အဲဒါကိုပဲ အရမ်းကြိုက်တဲ့ ကျွန်တော်။ မလေးမှာက မုန့်ဟင်း
ခါးကောင်းကောင်းကလည်း မရှိ။ ရှိတော့လည်း ကိုယ့်အလုပ်နေရာနဲ့က မနီး
တော့ မသွားနိုင်၊ အဲဒီတော့ မရှိမယ့်ရှိမယ့် အနားကအသိဆိုင်က မုန့်ဟင်းခါးပဲ
အားပေးနေရတာပေါ့။ ကောင်းသလားဆိုတော့ ကိုယ့်အသိမို့ ဘယ်ပြောရက်
မှာလဲ.. မကောင်းဘူး... လို့.......... သစ္စာဖောက်...... ဟီးးးးးးးးးး..
တစ်ခါတစ်ခါ မြန်မာပြည်က မုန့်ဟင်းခါးနဲ့ ညှပ်ခေါက်ဆွဲကို ပဲကြော်လေးနှစ်ခုနဲ့
အမြဲစားတာကို သတိရပြီး သွားရည်ကျ အိပ်မက်တောင် မက်မိပါရဲ့။
အဲဒီတုန်းက မုန့်ဟင်းခါးစားတာများတော့ အနံ့ရတာနဲ့ ဘယ်ဆိုင်က မုန့်
ဟင်းခါးဆိုတာကို သိနေလောက်အောင် ကျွမ်းကျင်နေပြီ။ ငတ်ကြီးကျ
ခဲ့တာကို သတိရရင်း မုန့်ဟင်းခါးနဲ့ပတ်သက်ခဲ့တဲ့ အကြောင်းအရာလေးကိုပါ
သွားပြီး သတိရမိတယ်။
မနက် ၉ နာရီဝန်းကျင် ငတ်ကြီးကျရအောင် ထွက်လာပြီး စားနေကျဆိုင်
တွေမစားပဲ ဟိုလိုက်ရှာ ဒီလိုက်ရှာနဲ့.. တွေ့ပါပြီ လမ်းထိပ်ကလေးတစ်ခုမှာ
ဆိုင်သစ်လေးတစ်ခု၊ ဘယ်လောက်ကောင်းလဲ သိရအောင် သွားစားကြည့်
မယ်ပေါ့။ အဲဒါနဲ့ ညှပ်ခေါက်ဆွဲတစ်ပွဲ၊ ပဲကြော်နှစ်ခုနဲ့ပေါ့ မှာလိုက်ပါလေ
ရော။ အမျိုးသမီးက မုန့်ဖတ်တွေ ဘာတွေထည့်ပေါ့လေ၊ ဒီအချိန်ထိက အေး
ဆေးပဲ။ ဟင်းရည်ထည့်ရအောင် အိုးအဖုံးကို ဖွင့်လိုက်တာနဲ့ ဒီမုန့်ဟင်းခါး
မကောင်းဘူးဆိုတာ မစားရသေးပဲ သိလိုက်တယ်။ သွားပါပြီ.. မစားချင်ပဲနဲ့
စားရတော့မယ်လို့တော့ စိတ်ထဲက တွေးနေမိပြီးသား။ ဟင်းရည်နံ့က
ပုတ်အဲ့အဲ့နဲ့။
သူကပြောတယ်.. ခုမှဆိုင်သစ်ကလေးပါတဲ့။ အရသာရော ဘယ်လို
နေလဲ စားပြီး ဝေဖန်ပေးပါတဲ့။ ရော.... ခက်ကပြီ... ကျွန်တော်ကလည်း
တွေးတာပေါ့။ ကောင်းတယ်လို့ ပြောလိုက်ရင် နောက်နေ့လည်း ဒီအတိုင်းချက်
လာရင် မကြာခင် အရင်းပြုတ်သွားလိမ့်မယ်။ ဒီနေ့တောင် သူများဆိုင်တွေကုန်
နေကြပြီ၊ သူ့ဆိုင်မှာက အများကြီးကျန်နေသေးသည်။ မကောင်းဘူးဆိုပြီး ပြောရင်
လည်း ကြိုက်မှာမဟုတ်။ ဒီတော့ ဝေ့လည်ချောင်ပတ်လေး ဖြေလိုက်မယ်ပေါ့။
ပြဿနာကတော့ ငံပြာရည်မကောင်းလို့ ဖြစ်မည်ထင်သည်။ အဲဒီတော့ ငံပြာရည်
ကြောင့် အနံ့တစ်မျိုးဖြစ်နေတယ်ထင်တယ်။ ငံပြာရည်ပြောင်းသုံးကြည့်ပါလား
ဆိုပြီး ပြောလိုက်ရော။ ထိုအမျိုးသမီး မျက်နှာမှာ ရှစ်ခေါက်ချိုးတောင် မကတော့ဘူး။
တစ်ဆယ့်ခြောက်ခေါက်ချိုးလောက် ပြောင်းသွားပြီး အမျိုးသမီးတွေဆိုတော့ဗျာ
ထုံးစံအတိုင်းပေါ့။ ဘာ၏ ညာ၏ ကွာစိပေါ့။
ကျွန်တော့်မှာလည်း အစထဲက မကောင်းလို့ မြိုမကျရတဲ့ကြားထဲ သူ့ရဲ့ အက်ဆစ်နဲ့
ရောထားတဲ့ စကားလုံးတွေကြောင့် ပိုက်ဆံရှင်းပြီး အသာလေး လစ်ခဲ့ရတာပေါ့။ အင်း..
ကိုယ့်ဘာသာ စားနေကျဆိုင်မှာ စားရင် ဘာမှမဖြစ်ပဲ ကောင်းကောင်းလည်း စားရမှာ။
အတော်ရှည်ကြောထတဲ့ ငါပါလားဆိုပြီး ကိုယ့်ဘာသာ ပြန်တွေးမိပါတယ်။
ခေတ်ကြီးကိုယ်က.. မကောင်းတာကို မကောင်းဘူးလို့.. ပြောရင် မကြိုက်တဲ့
အချိန်အခါကိုး.......
အားလုံးပဲ ပျော်ရွှင်နိုင်ကြပါစေဗျာ.......
No comments:
Post a Comment