ငါ့ရဲ့သစ္စာ ငါ့ကဗျာ
ငယ်စဉ်ကာလ ပျော်ပါးလျှက်သာ
ငါ့ကမ္ဘာသည် ဒုက္ခမှုန်ပင် ဖုန်မတင်ခဲ့
ကံမျက်နှာပေး ကြည်စေအေး၏။
ရွယ်ရောက်စဉ်ခါ ပျော်စရာဟု
ထင်မြင်မိသား အချစ်မှားသည်
ငါ့အားရိုက်လတ် ဘောင်ဘင်ခတ်၏။
နေဟုန်မာန်ခွင်း ငါ့စိတ်တွင်း၌
ပူလောင်ပြင်းပြ နေခက်လှသည်
ထက်မြက်ဖြူစင် ငါ့စိတ်သွင်သည်
ညှိုးရော်နွမ်းလျှ မိုက်မှောင်ကျ၏။
ငါ့ဂုဏ်သိက္ခာ ငါ့သစ္စာသည်
ထိုထိုစကား အယုတ်များကြောင့်
ညှိုးရော်ယုတ်နွမ်း ရေသို့ခန်း၏။
ဒေါသမီးအလုံး ငါ့စိတ်ဖုံးသည်
ငါ၏မျက်လုံး မီးဟုန်ဟုန်းသို့
ငါ၏ခွန်အား မုန်တိုင်းလားသို့
ငါ့တောင်ပံများ သံမဏိအားသို့
ချေမှုန်းပစ်ချင် ငါ့စိတ်သွင်သည်
သည်းခံမှုအောက် ဝတ်တွားရောက်၏။
ရှင်တော်မြတ်ဘုရား ခြေရင်းဖျား၌
ဝတ်တွားသက်သေ တောင်းဆုခြွေမည်
ဝဋ်ကြွေးတုံ့တင် ရှိခဲ့လျှင်လည်း
ဤတွင်ဘဝ သည်မျှနှင့်သာ
ကျေပါစေသား ရှင်ဘုရား။
ကမ္ဘာဆက်ဆက် သံသရာစက်၌
ဖြစ်လတ်တုံမူ ငါဆုယူမည်
ငါရှိလေရာ ဤနေရာမှ
တစ်ယူဇနာ ဝန်းကျင်ကွာ၌
သစ္စာမထား သူယုတ်များအား
မတွေ့ငြားစေ မမြင်စေတည့်
အချစ်ဆိုငြား ထိုစကားလည်း
မကြားရစေ မသိစေသတည်း..........။
ထွန်းထွန်း(kaythayarzarheart)
ကေသရာဇာနှလုံးသား
ကေသရာဇာ အောင်မြင်မှုဆိုတာ.....ငါ့အတွက် အရေးကြီးတဲ့အရာ မဟုတ်သလို
ဆုံးရှုံးခြင်းဆိုတာကလည်း......ကော်ဖီခါးခါး တစ်ခွက် သောက်ရသလောက်ပါပဲ။
ငါ့မျက်ရည်တွေ ရှာမနေနဲ့......ရှားပါးပစ္စည်းတစ်ခု..
လောကဒါဏ်ကို ကြောက်.....ငါ ဒူးမထောက်ဘူး
အရှုံးကို ကြောက်......ငါ လက်မမြှောက်ဘူး
အမုန်းကို ကြောက်.....အား မပြောက်ဘူး..
ငါ့အတွက် ခွန်အား....ဗုဒ္ဓရဲ့ တရားများ
ငါ့ရဲ့ အင်အား......အဖေ့အမွေ စိတ်ဓာတ်များ
မင်းမသိတဲ့ အရှိတရား......ငါ့မှာရှိထား မမေ့မသွားနဲ့
အဲဒါ...........ကေသရာဇာနှလုံးသား။
